Namibia okwa tulapo ondjindikila yoku eta moshilongo iimuna yomakondo geli kumwe oshowo iilongomwa yawo okuza ko Bostwana

Omushangwa gwiikundaneki okuza muuministeli wuunamapya,omeya nomatululo gomavi owati shika osha landula sho mo Bostwana mwa lopotwa etukuko lyomukithi gwekondo nela.
Tawuti etukuko olya lopotwa okupitila mo World Animal Health Information System oshowo olopota yongaashingeyi yomukithi gwekondo nelaka, komalelo guuhaku wiimuna ga Bostwana mu 04 March.
Uuministeli tawuti ondjindikila oya kwatelamo iilongomwa ngaashi omahini,ehini,onyama niilongomwa yonyama.
Nondjindikila oya kwatelamo oongamba ngaashi dha Noordoewer na Ariamsvlei,oshowo uutaagulukilo awuhe wa Bostwana muumbangalantu nomondingandinga ya Namibia sigo okomusinda omutiligane.
Einyengo lyiimuna niilongomwa yawo kuupitilo wulwe otali ka pumbwa eziminino lyuuhaku wiimuna .