Manigera woRadio yOmulunga okwati oRadio ota itwikile no ku kwafela oshiwana

Manigera woradio yOmulunga radio Simon Mundadala okwati omanga oradio ililepo oshiwana oina oku twikila no ku yandja omayambidido ayo koshiwana ngaashi tashipumbiwa.

Mudadala edi okwe dipoya metitatu pefimbo tayandje omaano oshali domindjalo dofikola kounona vofikola Otjaandjamwenyo Combined School, ofikola taihangwa moshitopolwa sha Omusati,  osho sha ningilwa mohall yaaveshe mendiki lomaulikilo Ongwediva.

Okwati eshi oradio,  ili onga omuyandji womauyelele, noili exungomwenyo moshiwana oya didilika nghene moshiwana muna omumbwe unene  oku shitalela koshiwana shokomongula.

Okwati oprojeka yo kuyandja omindjalo dounona keefikola oya totelwepo konima yomido dili 4 paife daka dilongela,  no mudo keshe ohaitofomo ofikola oyo vatala ina ounona veli momumbwe oku valandela omindjalo dofikola deliwanapo ngaashi naana veshiningila ofikola Otjaandjamwenyo Combined School neudo, tati oveshininga melongelokumwe no fitola yoPEP.

Manigera teshiyelifa kutya keshe komudo oradio, ohailongifa oshimaliwa shivike po N$10 000 okulanda omindjalo dounona ovo veli mombwe pofikola ya tofwamo.

Mundadala tayelifa kutya omanga Oradio taitwikile oku  kala omupopili woshiwana,  oina okulonga yoo noudiinini oku yandja omakwafo osho tati oshili yoo pamulandu weingido olo la li layandjwa komuleli wa Namibia Netumbo Nandi Ndaitwah, oo apula oikondo yopaumwene ikwafele meenghendabala keshe oku shakeneka epangelo ondjilakati.

Poshiindingili sho ku yandja omaano oshali yoo shakalwa kwao eli omukulunhufikola pofikola Otjaandjamwenyo Combined School Silas Shiningayamwe, oo aulika olupandu laye kOmulunga Radio opamwe nofitola yo Pep.

Ofikola Otjaandjamwenyo CS ota ihangwa 71km, okudja mOutapi ina ounona vofikola vefike po 580 oshoyo ovalongi 22 ina ododo okudja poshikunino fiyo 09.