Ovakalelipo shilongo va Norway vatalelapo omupresident Netumbo Nandi Ndaitwah

President Netumbo Nandi-Ndaitwah  nena okwa talelwapo kosheendo shombelewa youkalelipo shilongo wa Norway, ulilepo oshilongo mo Namibia.

Omukanda oo wapitifilwa oikundaneki ongula yonena owati osheendo osha kwatelwa komesho   Strøm Ørnulf, Counsellor oo elilepo oshilongo mo   South Africa, opamwe no mukalelipo shilongo wa Norway moNamibia Klaus Endresen.

Eshakeno lavo ola ningilwa peumbo lepangelo mo Windhoek, no la talika lili omito yo ku tulilafanamo moikumungu inasha nelongelokumwe pokati ka Namibia na Norway oku shitalela moikondo ya yooloka ngaashi omayambulepo opaliko oshoyo enghonopaleko oku tala komakwatafano enasha nomashongo ataalela oilongo ivali.

President Nandi-Ndaitwah metumwalaka laye tadenge omufindo kutya onghalo yomakuyunguto no upyakadi wopaliko onghee ili eshongo olo lakuma oilyolongo aishe mounyuni pefimbo eli unene koilongo oyo ishona natango no yelikwatelela momakwafo oilongo yakula.

Eenghundafana davo oda talika yoo da popya kombinga ye kwatafano liwa olo lakalapo omido no mido pokati ka Namibia na Norway, tava popi nghene tava twikile no kulongela kumwe ngaashi moshikondo shipe shomahooli  no gas, oikondo oyo ina oshilonga shakula oku kalekapo omayambulepo taakalele.

President Nandi-Ndaitwah, taulike eudo nawa laye kosheendo shovanambelewa va Norway, ovo veya oku talalepo no kweshitwa omukumo vatwikile no kulongela kumwe ngaashi naana shakalapo nale.