Councillor Stefanus Ndengu, apula oshiwana shilongele kumwe mo kukondjifa onghalo yomahepeko oukashikekookanhu no malikufomwenyo

Omunashipundi welelo loshitopolwa sha Khomas councilor Stefanus Ndengu,  okwa pula oshiwana shikufe ombinga meenghendabala do ku kelela omahepeko opaukashike koo okanhu oshoyo omalikufomwenyo tapopi nghene omashongo eli oupyakadi wataalela oshiwana.

Oshikundaneki sho Nampa, osha lopota kutya, Ndengu edi okwe dipopya pefimbo loshikonga shinasha nonghalonawa youhaku tashuufanwa Constituency AIDS Coordinating Committee (CACOC)  osho shali sha ningilwa pomatala omalandifilo a Hakahana moWindhoek.
CACOC
Oshiindingili oshali sha unganekwa koshi yexuku ‘Haave auke. Makuka okanya koye. Popyamo oupyakadi. Ekwafo otalimonika.

Oshikonga osha kufwa ombinga kovakufimbinga va yooloka pamwe  noshiwana no tashiyandje omapukululo kombinga yonghalo yomahepeko opaukashike koo okanhu, omakwafo oku kelela omalikufomwenyo oshoyo omakwafelo akwao enasha neyambidido lapumbiwa oku pewa oshiwana.

Ndengu tapopi nghene onghalo yomahepeko opaukashike koo okanhu oshoyo oupyakadi wo pamadilaadilo tautwikile no ku kuma ohandimwe vahapu moshiwana, ovo vena omaupyakadi no velimwenena  mongumutila.

Oshikonga osha pula opo ku kale kwatulwapo eenghendabala dina eenghono odo tadi kwafele eyambidido laavo va taalela eenghalo domaudjuu moshiwana, tapopi nghene oikonga ngaashi CACOC, ili efimano lakula moku kwafela oshiwana mouwa wa keshe umwe.