Omupevi president Lucia Witbooi okwiindiile oongeshefa nookuume komayambulepo ya pungule momauliko giipindi gonuumvo ga Ondangwa

Omupevi president Lucia Witbooi okwiindiile oongeshefa nookuume komayambulepo ya pungule momauliko giipindi gonuumvo ga Ondangwa,tega hokolola kutya ogeli ompito ya simana oku nkondopeka oongeshefa oonshona noku yambulapo ekoko lyeliko moshitopolwa.
Ta popi puulalelo wowina wa ningwa olyomakaya kOndangwa,Witbooi okwati omauliko giipindi ohaga kwathele aanangeshefa ya kwatathane nomalandithilo,oku nana omapangulo, noku tunga uukumwe wa pumbiwa oku tanununamo oongeshefa.
Ta gwedhako kutya iimaliwa ya gongelwa otayi ka nawapaleka okuunganeka omauliko giipindi, noku yambidhidha omadheulo noku tunga oongeshefa oonshona nodhopokati.
Edhingoloko eti 13th lyomauliko giipindi gokomumvo ga Ondangwa otaga ningwa pokati ko 24 April sigo 2nd May kohi yehuku:Connecting local trade to the world.”