Esiku lyemanguluko lyoshilongo mOshikoto otali ka tyapulilwa miikandjohogololo ayihe 11

Ngoloneya gwa Oshikoto Sacky Kathindi okwa tseyitha kutya etyapulo lyemanguluko lyoshilongo eti 36 otali ka tyapulilwa miikandjohogololo ayihe 11 yoshitopolwa ,noku yela ekuthombinga lya mbwalangandja nekwatelemo.

Ta popi no Nampa omandaaha Kathindi okwati shika osha landula oonkundathana naakuluntu yomahangano gepangelo,aanipambuliko yopashitopolwa ,naaleli yoshigwana.

Tati okufala omatyapulo mukehe oshikandjohogololo otashi ka kwatelamo aantu ayehe ,unene aakokele.

Ngoloneya ta hiya aakwashigwana ya holoke ,noku ka tyapula emanguluko lyoshilongo eti 36th.

OSHI Sacky Kathindi

Lopokati mpoka ngoloneya okwa tindi omipopyo kutya aapopi ya simana momatyapulo gemanguluko lyoshilongo oya hogololwa shiikwatelela kekwatathano lyawo  lyopapolitika.

Kathindi okwali ta popi moshigongi longekidhi shesiku lyemanguluko lyoshilongo omandaaha.

Tati sho omupresident Netumbo Nandi Ndaitwah a tseyitha kutya esiku lyemanguluko otali ka dhanenwa miitopolwa ayihe yoshilongo,ewiliko lyopashitopolwa olya tsakanene ,noku tokola oku tala komashongo noompito dhoshitopolwa.

Tati omatokolo inaga ningwa shiikwatelela kopolitika.

Kathindi tati etyapulo otali lalakanene aa Namibia ayehe,notali tala unene kegandjo lyomayakulo.

Aapopi ya simana omwa kwatelwa prime minister omukulu Nahas Angula,omupevi minister gwelongo Dino Balloti,ominista yuuyuki niipambele yiilonga Fillemon Wise Immanuel,naangoka kwali ominista yemona Ipumbu Shiimi ,ominista yiilnga niiyendithi Veikko Nekundi,nomunashipundi go National Council Lukas Muha.

Yalwe oya kwatelamo ngoloneya omukulu gwa Ohangwena,Usko Nghaamwa,ngoloneya omukulu gwa Oshikoto Penda ya Ndakolo,ominista yoomina niikwankondo Modestus Amutse,noshilyo shopalamende shongundu yo SWAPO Willem Amutenya.