Kandorozu otiindiile oshimaliwa shaanona yeli moluhepo shi gwedhelwe okuza po 350 okuya 1 000

Oshilyo shopaalamende shongundu yo National Unity Democratic Organisation-NUDO -Vetaruhe Kandorozu okwiindiile epangelo li ndjekepo ooshimaliwa shaanona yeli moluhepo noothigwa,okuza poodola 350 okuya poodola 1 000.

Epangelo olyeetapo oshimaliwa shaanona yeli moluhepo mo 2014 oku yambidhidha aanamagumbo yeli mompumwe yopashimaliwa.

Ta kutha ombinga mo budget yomumvo shimaliwa go 2026-2027,Kandorozu okwati oshimaliwa shoodola 350 inashi gwana we.

Tati aanona yamwe kayena aavali ayehe nenge gumwe,notaya tekulwa kaanamagumbo mboka yaahena iiyemo.

Kandorozu ta gumo wo keuvaneko lyongundu yo SWAPO oku ndjekapo oshikwiila shaakokele okuza poodola 1 600 okuya poodola 3 000,shoka ati nashi tulwe miilonga meendelelo pwaahena ekateko.

Tati itapa ningwa ashike omipopyo oku heka aakokele ya hogolole,go omauvaneko itaaga gwanithwapo.

Lopokati mpoka Omupevi president Lucia Witbooi okwati oonzo dha ngambekwa dhopashimaliwa otadhi tsikile okuya moshipala oopolohalama tadhi lalakanene oku yambidhidha aantu yena uulema moshilongo.

Ta popi moshigongiilonnga omandaaha,Witbooi okwa nongele kutya omanga epondolo lyaadhika oku humitha komeho ekwatelemo lyaanulema,iiyetwapo ya yooloka onkee ya thikama omolwa ompumbwe yoshimaliwa.

Tati ompumbwe yoonzo oyeenditha kashona etulomiilonga lyoopololeka dhomahumokomeho tadhi lalakanene oku nawapaleka egandjo lyomayakulo noompito dhaantu yena uulema.

Tati nonando pena omashongo ngoka,okwa holola iiyetwapo mbyoka yili metifa,mwa kwatelwa oopololeka dhoku longa iikulya,noompangela okweetapo omandiki goonzo dhaanulema miitopolwa ya yooloka.

Shiikwatelela ko Nampa,Witbooi okwiindiile  aanipambuliko yeetepo omilandu tadhi longo, oku nkondopeka egandjo lyomayakulo noku yela ehomokomeho tali kwatelemo.