Omangu oya yandja elombwelo opo epapa lo Africa Cup of Nations, olo lali lafindanwapo ku Senegal lipewepo Morocco

Oshilongo Morocco osho sha pewa epapa lefindano lekopi loiwana ya Africa ( Africa Cup of Nations) konima eshi ovatokoli momangu vakufa Senegal, epapa lefindano olo ali amona pefimbo loudano wavo waxuuninwa mu January neudo.

Ehangano lo katanga ko keemadi mu Africa ola yandja elombwelo kutya Senegal okwa longifa ekengelelo pefimbo loudano osho tashiti efindano laye lo  1-0  paife ota livalulwa nee  3-0 adengamo Morocco.

Pefimbo loudano wavo waxuuninwa oo wali wadanenwa moshilando Rabat, ovadanauki va Senegal, ovo vali vekwetelwe komesho ku  coach wavo  Pape Thiaw, ovali ve liteekamo mokapale konima eshi  Morocco  ali apewa o penalty.

Oshikundaneki sho Africanews. nena osha lopota kutya oudano okwali wakala ofika oule 15 minutes, no kweeta edundakano mokati kovayambididi voudano po kapale.

Eshi oudano wa katwikila Morocco, okwa ponya o penalty, na  Senegal lwanima okwa katulamo okoola no kufindana pefimbo olo vali vapewa lawedwapo.

Etokolo lali la yadjwa kuyele shinasha no ku yandja  ehandukilo ola lilakwatelamo oku futififa oimaliwa ovadani ovo vamonika ondjo moshinima, no ku va kelela yoo vahakufe ombinga momaudano elikomesho, ashike oidjemo youdano yoo okwali kwayandjwa elombwelo kutya ota ikalekwa ili ngaashi ili.

Pefimbo eli ehangano lo CAF, paife ota li popi kutya oshinima shovadanauki vadjamo mokapale pehena ediminino la referee, veshininga omanga oudano inaupwa, oshili nale oumbangi kutya ovakanifa oudano.

Olopota oyati etokolo loshibofa natango ota shidulika litululwemo momangu.