Minister Emma Theofelus, opamwe na Minister Veikko Nekundi, nena ovali moshongalele sho e-heiling operators

Minister womauyelele no makwatafano opautekinolgy , Emma Theofelus, opamwe na Minister woilonga no yeendifo, Veikko Nekundi, nena ova kufa ombinga moshongalele shomeendelelo pamwe no vakwateli komesho vomahangano oyeendifo haayandje eyakulo okupitila pamalungula mo Namibia (e-hailing operators)

Oshongalele osha talika tashi lalakanene oku kwashilipaleka kutya ovalongifi voyeendifo yomakwatafano omalungula ovalandula omilandu deendjila moshilongo.

Pefimbo loshongalele  Theofelus, okwa denga omufindo nghene omatokolo aeshe oo tatulwa moilonga ena oku kala mouwa wo vaNamibia aveshe, omanga  Nekundi yee eshi yelifa nghene ovalongifi voyeendifo  shafimana kuvo oku landula omilandu veta no kwa pula ovashingi vakale vamona ee  permits dopakafimbo omanga vateelela ediminino.

Ovashingi ile ovakwateli komesho voyeendifo yo E-hailing, moshongalele shavo neeminist,er ovaulika omalimbililo kombinga yomakateko neendokashona lomaindilo oku mona   permits, osho tava popi kutya oshili shakuma oilonga yavo unene ovashingi ovo velikwatelela moyuuyemo oyo hava mono okudja mokushinga.

Ovapula opo omilanduveta do yeendifo yeendjila moshilongo dikale datalululwa no ku tulwa pamufika wefimbo lopaife.

Oshongalele ota kulopotwa sheyapo nefindilemo olo talipula opo ku kale kwa potokononwa  oupyakadi moule womafiku eli 28, oshoyo omafiku 28 oku tala nawa osho shatulwa moilonga, opo ku kwashilipalekwe kutya omalunduluko no mafaneko oo atulwapo okwa tulwa moilonga.

Eeminister adishe do pavali pexulilo loshongalele oda ulika no ku udaneka tadi ka kala da tala no mesho amanamo koupyakadi noku twala  omakemo kovawiliki ovo vena oshinakuwanifwa.