Ongundu yo SWAPO oya tulamo eindilo lyeendelela mompangu yopombanda ya Windhoek,opo aakondjelimanguluko 56 naanona yawo ya tidhwepo poombonge dhongundu

Ongundu yiimanga kehangano lyo Former Refugees Repatriation of Namibia oya kala ya yunga oontanda poombonge dhongundu okuza mu Kotoba 2025,tayi pula yi futwe oodola oomilion 21.7 dhoka yati odha gandjelwe kiigwana ya hangana sho ya galuka  muupongekwa mo 1989.

Ongundu oyati itayi zipo poombonge dhongundu yo SWAPO sigo ya pewa omukanda gopambelewa tagu fatulula nkene iimaliwa ya longithwa.

Amushanga ndjayi gongundu yo SWAPO Sophia Shaninggwa meindilo  lyompangu okwati o Politburo yongundu oya holola omaipulo gomalongekidho geegululo pambelewa lyoombonge oompe dhongundu ,tali ka ningwa mo 19 April.

Tati omalongekidho noshituthi otayi ka piyaganekwa ngele aahololi madhiladhilo oya kala poombonge dhongundu.