Cuba okwati okwe lilongekida okuya meenghundafana na US ina hala oita

Ovanadiplomate va Cuba ovati oshilongo shavo ota shililongekidile oiponokela taifanekelwa oshilongo ku US ashike oveshiyelifa yoo kutya voo kavena lungwenye lasha na US na vali kavena osho vaninga shii sha America.

Oo eli omupedu minister welongelokumwe lo ikwapondje mo Cuba Carlos Fernandez de Cossio,  okwa lombwele oshikundaneki sha US sho  NBC, kutya etanga lavo leameno olelilongekidila omaponokelo, ashike okwa ulika yoo elineekelo kutya ngeno oiponokela iha kufe ombinga.

 Fernandez de Cossio, ta lombwele oshikundaneki nghene oshilongo shaye shihena nande omunyonena washa na US, ashike nande ongaho okwe shiyelifa nghene vapumbwa oku laamena yee tapopi nghene oshilongo shina ehalo lo ku kala omutumba no kuya meenghundafana oku kelela oiponokela.

Eenghundafana oda ningwa pefimbo oshilongo Cuba, oshondaxa shaalulilwa eyakulo lo lusheno konima eshi sha kala shili modima ya kala yakuma oshilongo ashishe, onghalo oyo ili  taiholoka oshikando oshi 2 paife  moule woshivike oupyakadi oo waetififwa koiyakulifo yolusheno ya kulupa moshilongo pefimbo US atulilapo Cuba, omainda ahamone eedjo doikwanghono oyo  ya pumbiwa oku kwatela komesho eetepo lolusheno moshilongo. Olopota oya ulika kutya onghalo mo Cuba oya yuka kowii, molwaasho oshilongo Venezuela, osho sha kala hashi yandje no ku yambidida Cuba mo mahooli  paife oshili yoo moupyakadi womuleli washo Nicolas Maduro, oo akwatelwepo komatanga US mu January.

Picture: BBC NEWS