Iran ayandja ekunghililo kutya ngenge U.S okwa ponokele oitaashi yaye yoikwanghono omudingonoko wa Strait of Hormuz, okuna okuwiidila filu

Oshilongo Iran oshati omudingonoko wondjila yefuta oo hawiifanwa Strait of Hormuz, ota u ka kala wa idila filu ngenge omupresident wa US Donard Trump, okwe shiningile owina oku ponokela oitaashi yavo yoikwanghono ngaashi tapopi

Eelopota onghela oda ulika kutya oita moilyolongo youshilo wopokati onghee taipula komesho, pefimbo oshilongo Iran, opamwe netanga lelihomateka la Lebanon lo Hezbollah, ta kulopotwa a hapupaleka oiponokela yayo mo   Israel.

Iran tayandje ekunghililo kutya okuna oku idila ondjila yafimana youpitilo yefuta oyo hayuufanwa Strait of Hormuz, no kwa yandja yoo ekunghililo kutya ngenge omupresident Donald Trump, okwa wanifapo omaudaneko aye oku ponokela oitaashi yoikwanghono ya Iran, naye okwe lilongekida oku halakanifapo oitaashi yoikwanghono ya US na Israeli oyo taihangwa momudingonoko.

Eelopota oda ulika yoo omidingonoko domapekaapeko oikwalute ya Israeli, ya dengwa kee missile da Iran, oufiku wolomakaya osho shafiya sha ehamekifa ovanhu vahapu ashike ina kulopotwa omunhu axulifilamo.

Lwopokati opo oo eli Prime Minister ya Israeli Benjamin Netanyahu  okwati Israel na U.S. oveli pokuhanga ondjodi no malalakano avo no kwa pula oilongo mounyuni i va yambidide.

Oita moilyolongo youshilo wopokati oyo taishingwa ku US na Israeli pefimbo eli oya kwata oivike ili 4 no ku twaalelifa eemwenyo dovanhu vedulife po 2,000 omanga onghalo yeliko mounyuni ya kumwa osho sha fininikifa eedado domahooli diye pombada.