Nakulwa mukulu Ben Amathila apula ovanyasha vaamenepo eemanguluko loshilongo

Nakulwa mukulu mekondjelomanguluko loshilongo no kwali nale ominister yoipindi no maxumokomesho , Ben Amathila okwa pula ovaNambia unene tuu ovanyasha vaamenenepo no ku kalekapo emanguluko loshilongo, ta veshiningi moku kalekapo oukumwe, okulonga noudiinini oshoyo okufimaneka osho shaetelwepo komapupi apala ondjila yemanguluko loshilongo.

Moshipopiwa shaye pefimbo leenghundafana noshikundaneki sho Nampa, eshi ali tatikosha kewanifo lomido 36th demanguluko loshilongo, Amathila okwa popya kombinga yolweendo lemanguluko olo tati kalali lipu ta popi nghene vahapu ovo vali vakufa ombinga mekondjelomanguluko vehepo vali nena oku tyapula emanguluko loshilongo ngaashi tuliwete nena.

Okwa popya nghene ombili no ukumwe ili oilongifo yafimana moku kalekapo eyokomesho loshiwana no kwa popya yoo nghene emanguluko la pumbwa oku tyapulwa pamwe neenghendabala dexwopopaleko leenghalo nawa doshiwana ashishe .

 Shelikwatelela ku  Amathila, okwati oshilongo osha pumbwa oku kwashilipaleka kutya kapena oo ta kala ena ondjala nounona nava kwashilipalekwe yoo kutya ovamona elongo lina ongushu osho tati oshili oshilalakanenwa shepangelo.

Okwa yandja yoo omayele kovanyasha vakale vena eduliko no ku pwilikina komaunongo no mayele ovakulunhu nonande vatala kutya elongo lavo oli li pedu oku shiyelekanifa no lavo.