Oongeshefa dhaagundjuka dhili 30 moshitopolwa odha ziminwa okupewa eyambidhidho okupitila moshiketha sho National Youth Developement Fund

Ominista yemona Ericah Shafuudah okwa tseyitha pethimbo lyetyapulo lyemanguluko lyoshilongo kOkahao molyomakaya kutya oongeshefa 30 dhaagundjuka mOmusati odha ziminwa dhi yambidhidhwe pashimaliwa kohi yo Natioonal Youth Development Fund.

Shafudah tati uuministeli wemona wa gandja  oodola oomilion 257 koshiketha oku yambidhidha aanangeshefa aagundjuka moshilongo,noku pala ondjila yepondolo lyawo monakuyiwa.

Shafudah ta tothamo wo iiyetwapo oku nkondopeka egameno lyoondya nuunamapya moshitopolwa.

Tati epangelo  oliitulamo oku yambidhidha aanafalama aashona moshitopolwa.

Noonkambadhala dhoku tanununamo oopololeka mEtunda otadhi lalakanene okudhi lunduluulila mendiki lyiikulya tali kalapo moshitopolwa ,oshowo pondje yoshitoplwa.

Omanga oshigunda shoka tashi ka edhilila oongombe dha thika 1 000 tashi tungwa kEtunda.

Minister ta gwedhako kutya oompangela oku tanununamo Etaka-Uuvudhiya Canal oku nawapaleka ompito yoku mona omeya guunafalama niimuna odhili metifa,omanga endiki lyoku longa omatama lya thanekelwa mOmahenene moshikandjohogololo sha Onesi,okuteya omukumo okutuma oondje iinima inaayi longwa.