Kenya ataalela oupyakadi womumbwe yomahooli

Oitaashi yomahooli mo Kenya okwa lopotwa yadidilikwa ihena omahooli onghalo oyo ya etififwa koikolokosha yoita moilyolongo youshilo wopokati.

Ondjo yokukundaneki yo SABC oya lopota kutya oshikondo shomahooli mo Kenya osha lombwela oikundaneki kutya konyala ee 20% dovene vomahooli odili da kumwa konghalo yoita ngaashi shili palopota yao eli omunashipundi wehangano lo Petroleum Outlets Association mo Kenya, Martin Chomba.

Okwati fiyo opapa oitaashi ifike  3,100 oya kumwa konghalo, tati moule woivike ili 2 twa taalela oshilongo ota shi ka kala shili moupyakadi womumbwe yomahooli ngenge onghalo yoita moushilo wopokati ina yuuya elunduluko.

Oshilongo Kenya ota kulopotwa shelikwatelela momahooli okudja moilyolongo youshilo wopokati.

Ovakomesho moshikondo shomahooli mo Kenya, ovati ota vatale keenghendabala do ku fininika epangelo livapitike vakale tava kalanda omahooli koikondo yopaumwene.

Ondado yomahooli otakulopotwa yaya pombada kuyele momwedi ou tuli moilyolongo aishe younyuni, shalandula koita oyo taishingwa ku US na Israeli mo Iran , omo takutiwa konyala  20% domahooli haalongifwa koilongo mounyuni ohaadilile ombululu youdingonoko wefuta laStrait of ​Hormuz.