Oku tindila o Starlink yi gandje omayakulo go internet mo Namibia olili epuko-Liver Diggle

O Communications Reguratory Authority of Namibia oya tindi eindilo lyo Starlink okugandja omayakulo go internet mo Namibia ,omolwa endopo oku gwanithapo iipumbiwa yopaveta noyopaiutho ya simana.

Ominista yomauyelele nomakwatathano gopaungomba Emma Teofelus okwati etokolo olya landula enongonono lyomuule ngaashi shili mo Communication Act.

O Nampa oya lopota kutya o CRAN oyati omanga Starlink ya gwanithapo iipumbiwa yopautekinina noyopashimaliwa,oya ndopa okwiiyutha kiipumbiwa yuuyene,egameno lyopashigwana niipumbiwa iyutho.

O CRAN tayiti ehangano olyopondje yoshilongo pakuudha,na inali gwanithapo iipumbiwa yuuyene wa Namibia noo % 51.

Omalelo oga holola wo omaipulo getaalelo neiutho,taga holola kutya ehangano olya pogola o Communications Act,paku longa lyaahena o licence,noku ndopa oku holoka komeho yomalelo ga Namibia li yamukule.

O Starlink Internet Services Namibia oya nindi eindilo lyo licence yoku gandja omayakulo go internet mo Namibia mu mu June 2024 .

Lopokati mpoka,omunongoliko mo Cirrus Capital Liver Diggle okwati ndika epuko enene.

Tati momaiuvo ge etindo olili epuko enene nompito onene ya hunuthwa,

Ompito ndjoka oshilongo ngaashi Namibia ,nuupyakadhi we wopaliko nkalathano itaa vulu oku hunutha.

Tati O Starlink ohayi longe miilongo ya konda 156 muuyuni,mwa kwatelwa miiilongo oyindji ya Africa,noku gandja o internet komahala  gamwe ngoka geli muushayi,muuyuni .

Omahala ngoka omakwatathano nenge omatenda go internet itaaga vulu okwaadha omolwa oshimaliwa oshindji,na Namibia okuli gumwe gomiilongo mbyoka,niitopolwa oyindji yoshilongo kayina omakwatathano go Internet.

Netindo ndika otali teteko mboka ya tongolwa paungomba ,unene ooskola,aanafalama,niipangelo.