President Netumbo Nandi Ndaitwah ahalela omwenyo wa Professor Keto Elitabu Mshigeni, utulumukwe nombili

Omupresident wa Namibia  Netumbo Nandi-Ndaitwah, okwa yandja omahekeleko ko vapambele vomuhongwanhu   Professor Keto Elitabu Mshigeni.

Metumwalaka lomupresident olo lapitifwa okudja mombelewa yomupresident onghela, omuleli wa Namibia, okwati oshili oluhodi linene kekanepo lo Professor Keto Elitabu Mshigeni, oo kwa lopotwa amana oweenda waye oshondaxa mepipi lomido 82.

Professor Keto Elitabu Mshigeni, ota kulopotwa ali omuhongwanhu oo alongela oshikondo shomapekaapeko moshiputudilo sho University ya Namibia,  eshininga pokati ko  1991 no 1995 moshikondo Agriculture & Natural Sciences.

Okwa talika adana onghandangala ya fimana metotepo loshiputudilo shelongo lopombada moshilongo UNAM, no kwali yoo no shinakuwanifwa sho Pro-Vice-Chancellor mo Administration and Finance (1995–1998).

Okwa talika yoo ali akufa ombinga meyakulo loshikondo osho tashuufanwa United Nations University’s Zero Emissions Research Initiative (UNU/ZERI) mo Namibia, omo ayandja ounongo wounafalama okweetapo  okahauxwilili no mwiidi womefuta oku kwafela ovanhu vakale tave limonene oyuuyemo momukalo taukwafele ekalekepo loushitwe.

Omupresident Nandi Ndaitwah okwati ponele yoshiwana sha Namibia nepangelo okwa yandja omahekeleko komufiyekadi oludalo, ovatekulu,   ovapambele noo kaume aveshe, te va kumikile eenghono pefimbo eli vawililwapo koshilemo shilaula. Okwa halela omwenyo womuprofessor utulumukwe nombili.