Iran okwa mbandameke oku ponokela iishonekwa yopakwiita mo Tehran

Israel nena okwati ota dhenge iishonekwa yopakwiita  mo Tehran,konima yesiku limwe sho omupresident gwa America Donald Trump ati ompangela oyili poku adhika,omanga ina kuthamo ompito yiikonga yopevi.

Iran okwa tamekitha wo iiponokela iipe mo Israel,Kuwait na Saudi Arabia,sho omandiki ge giikwamalusheno ga ponokelwa mehulilo shiwike,noku gwidhako olusheno miitopolwa ya Tehran nopomudhingoloko.

Iita oyeetitha epiyagano meliko lyopauyuni,nompumbwe yomahooli mo Asia,noonando dhomahooli tadhi londo,nomahooli taga pitiilile poodola dha America 100 mombalili.

Onzonkundana yo AFP oya lopota kutya sho Israel ta tsikile oku odheka o Hezbollah muumbangalantu wa Lebanon,Indonesia okwa koleke nena kutya omunambelewa gwe gumwe goku kalekapo ombili okwa dhipagwa,sho etumo lyiigwana ya hangana lyati oshinima osha dhenge etumo lyawo.

Etumo lyo United Nations Interim Force in Lebanon olyati kalishi onziililo yoshinima shoka,ashike olya tamekitha omakonakono.

Lopokati mpoka Omupopi gopaalamende ya Iran Mohammad Bagder Ghalibaf okwati America ota pangele monanguwi oshiponokela shopevi .

Omipopyo dhe odha landula sho Oskepa yetanga lyomomeya ya America yina aanambelewa naakwiita yomomeya ya thika 3 500 ya thiki mo Middlee east.

Ghalibaf ta londodha kutya Iran okwa pyakudhukwa nota geela kehe omuponokeli nookuume kawo.