Aantu ya thika 30 ya dhipagwa koongangala mo Haiti

Aantu ya thika 30 oya dhipagwa omanga yalwe yaaha wetike,sha landula iiponokela iipe yoongangala mondingandinga ya Haiti.

Ongundu yuungangala yo Gran Grif oyoodheke ondoolopa Petite-Riviee de l Artibonite,noku fika omagumbo,noku thiga omidhimba momapaandanda,shiikwatelela koongundu dhuuthemba womuntu.

Aahwahwameki oyati oongangala otadhi tsikile oku kondolola iitopolwa yomudhingoloko,noku tulapo omainda noku thiminika aakalimo ya fadhukepo.

Onzonkundana yo Africa news oya lopota kutya ondjele yomaso otayi patathana,noolopota dhimwe tadhiti aantu ya thika 70 oya dhipagwa.

Opolisi yopashigwana ya Haiti ,tayi yambidhidhwa ketumo lyiigwana ya hangana oyati oonkambadhala okwaadha omidhingoloko dha gumwa odha kala noku enda kashona omolwa omainda ga tulwapo koongangala,

ooshiponokela osha holola nkene oshikele shegameno tashiindjipala mo haiti,moka oongundu dha homata hadhi kondolola iitopolwa iinene yoshilongo.

Omalelo ogati omakonakono ogeli metifa.