Minister Modestus Amutse a popile o budget ya pewa uuministeli we

Uuministeli woomina niikwankondo owa pewa o budget yoomilion 826.6 momumvo shimaliwa go 2026-2027,ya kalelapo eshonopalo lyoo % 3 okuza mo budget ya tetekele,shiikwatelela kominista Modestus Amutse ohela.

Ta popile o Vote 15 yiikwafabrika,oomina niikwankondo megumbo lyopashigwana,Amutse okwati o budget oya kwatelamo oodola oomilion 506 dhiilonga noodola oomilion 320.0 dhoopololeka dhomayambulepo.

Tati nonando o budget ya shonopala,uuministeli otau ka ninga oshilalakanenwa egameno lyiikwankondo,ehumokomeho,noku gwedha ongushu moshikondo shoomina oku yambidhidha ekoko lyeleiko.

Minister ta holola kutya oodola dha konda poobilion 8 odhuunganekelwa oopololeka dhiikwankondo,mwa kwatelwa olusheno loonte dhoketango,niiyetwapo yoku pungula ombepo nomamanya.

Tati iiyetwapo mbyoka okwa tegelelwa yi ndjekepo okuvula kwa Namibia oku longa olusheeno okuza poo Megawatts 759 okuya poo Megawatts 903 pethimbo lyo budget ya tumbulwa.