Ehangano lomayakulo ohonde moshilongo otaliti ola taalela omumbwe yohonde

Ehangano lo ku yandja omayakulo ohonde moshilongo, olati olinako ashike omafiku mashona opo litaalele oupyakadi wo ku hena ohonde moshilongo.

Edi oda popiwa kwao eli omunambelewa woipambele yoshiwana mehangano Frieda Vatileni,  pefimbo leenghundafana odo aninga nodjonghuna yo NewsOnOne.

Okwati ehangano kalina ohonde yawana pefimbo eli unene tuu eshi oshiwana sha taalela oku ya mexuliloshivike loshivilo shopaasa omo tati moivilo ngaashi eyi oyo unene hamu dulu oku kala ovanhu vapumbwa  ekwafo lohonde.

Okwati oupyakadi wokuhena ohonde yawana moipangelo, owa etififwa komuvalu uli pedu woo handimwe ovo  have liyambe oku yandja ohonde moshilongo.

Vatileni tapula oshiwana shiliyambe no ku yandja ohonde unene tuu pefimbo eli twa taalela lexulilo shivike lapaasa, omo hamu dulu oku holoka oiponga yovanhu tava kanifa eehonde no vapumbwa oku pewa omayakulo ohonde meendelelo.

Vatileni okwati ehangano ota lika kala lili peenele da yooloka moshilandopangelo mo Windhoek nena oku kufa ovo tava yandje ohonde no kwa pula oshiwana shiye momuvalu uli pombada.