Omutamanekwa umwe womwaavo vali vaningila omatilifo oku dipapya prosecutor, apewa omito yokulifutilamo

Omangu ya magistrate wa  Grootfontein onghela okwa lopotwa ya yandja omito yoku lifutilamo ku Daniel Patrick Tsibeb (36), eli umwe womovalumenhu va 3 tava pewa oushima wo ku ningila omatilifo edipao prosecutor womudingonoko omo.

Daniel, oo takutiwa okuli omonamati wao ali nale omunambelewa wopolifi  Efraim Tsibeb, naye eli oshitopolwa sho va tamanekwa, okwa pewa omito yo kulifutilamo modolongo yee  N$10 000.

Oshikundaneki sho Namibian Sun, osha lopota kutya Magistrate Nathan Boyd,  oye akwatela komesho elombwelo no tahokolola  Daniel, eli omukalimo modoropa,  halongo onga omunambelwa wo pombada melelo lodoropa.

Omutamanekwa ota pewa oushima wokuningila omatilifo oku dipaya  prosecutor Kristiana Erastus, eshi ali emuula  kutya ota dulu oku muningila osho shali sha ningilwa prosecutor wokOndangwa, oo axulifile  kuyele omudo woneudo shalandula ashi ali atilwa oshikunguluki shomeva ena oudio.

Olopota oya ulika kutya nonande Daniel, apewa omito yokulifutilamo no kumangululwa, natango okwa tulilwapo omilandu domangabeko odo da kwatelamo oku kala telilopota kopolifi etitano keshe.

Tate waye Efraim, yee ota kutiwa natango onghee eli mondjeidililo neindilo laye oku talika ngee tapewa omito yokulifutilimo ota litwikile oku pwilikinwa nena.

Omutamanekwa omu 3 naye eli omunambelewa wopolifi, yee opo natango kwa teelelika aka tulemo eindilo lomito yo kulifutilamo.

Oshibofa shavo osha undulilwa komesho ko  30 June no makonaakono opolifi moshinima otaapula komesho.