Ehulilo shiwike ndika ele lya Paasa,o OneAfrica muukumwe no Multichoice Namibia nomushilipaleki omupe FNB Namibia otaya  ka eta pamwe oshigwana nedhingoloko lyowina lyo Namflix Festival

Oshiindingili otashi lalakanene okuyela uu film womoshilongo nokugandja ompito yaatoti yomahokololo yuulike iilonga yawo koshigwana.

Oshiindingili ohashi ulikwa shito pehulilo lyomumvo kehe,ashike euliko lyonuumvo otali ka tyapula uu film womoshilongo mboka wa sindana komapapa gongaashingeyi go Namibia Theatre and film awards.

Uu film otau ka ulikwa okuza  nena sigo omandaaha 6 April.

Ta popi no NewsOnOne kombinga yeshilipaleko epe,omunambelewa gomakwatathano mo FNB Namibia Kirsty Watermeyer okwati eshilipaleko lyombaanga ko festival oshili edhidhiliko lyeitulemo lyawo  koohedhi nuunkulungu wa Namibia.

Tati otaya kongo oku nkondopeka aaningi yuu film womoshilongo ,noku kwathela okutunga ethigathano lyopauyuni mo Namibia.