Councilor woshikandjohoololo Ongenga Joseph Nenghwanya, aulika elitulemo laye oku yambidida oinyangadalwa ililepo omakwafo ovanyasha moshikandjohoololo.

Concillor woshikadjohoololo Ongenga moshitopotopolwa sha Ohangwena Joseph Nenghwanya,  okwati oshikandjohoololo ota shilongo shatula ombuda moshixwa oku hanga omafaneko atulilwapo omayambulepo opashiwana ondungefaneko oni 6  (NDP6) osho tati ota shingwa oku pitila moinyangadalwa yomifyuululwakalo, omaudano oshoyo elongo.

Omukanda oo wapitifilwa oikundaneki

okudja mombelewa ya  Councillor Josef Stalin Nenghwanya,   owa ulika nghene pefimbo lexuliloshivike lopaasha councilor akala eli pyakidila no ku kufa ombinga moinyangadalwa ya yooloka moshikandjohoololo sha  Ongenga,  osho tashuulike nghene elitulamo oku yandja eyakulo lomayambulepo  koshiwana padodo yopedu.

Mokati koinyangadalwa oyo yali yakufa ombinga omwa kwatelwa ngaashi, Omadenga Annual Easter Tournament , Ekango Rural Youth Expo Omaongo Festival oshoyo Eemboo Combined School fundraising & Block Naming  okutumbulapo ashike imwepo.

Concilor Nenghwanya, poshiindingili shoudano wo  Omadenga Annual Easter Tournament,  ota kulopotwa apopya nghene omaudano eli efimano lakula mokunghonopaleka ovanyasha no ku vakaleka momepo yeduliko tati omaudano okulilepo yoo okweeta oukumwe moshiwana.

Poshiindingili sheongelo loshimaliwa osho shali sha ningilwa ofikola Eemboo Combined School, Nenghwanya okwa yandjapo omaano oshimaliwa shee  N$2,000 eshininga okudja mondjato yaye mwene shili eyambidido loipumbiwa yelongo.

Koshiindingili shomaulikilo oipindi ovanyasha, tashuufanwa  Ekango Rural Youth Expo Edition Omaongo Festival, councilor okwa kundafana novanyasha oshoyo ovapindiki no kwa popya nghene omifyuululwakalo neengeshefa dishona dili eemito dafimana mekufombinga lovanyasha no kuyambulapo eliko momudingonoko.