Iran okwati Israel otayi moshipala ompangela yombili

Iran okwati iiponokela ya Israel mo Lebanon ohela oyili epogolo enene lyompangela yoku egeka iilwitho ndjoka ya ziminwa na America.

Omupresident gwa America Donald Trump okwati Tehran niiyuthe kompangela,nenge a taalele eyamukulo enene,lili hwepo nenankondo inaali monika nale.

Oonkundathana pokati na Iran na America otadhi ka ningilwa mo Islamabad olyomakaya.

Amushanga gwiikwapondje ya UK Yvette Cooper okwati Israel ota tula moshiponga ompangela.

Omanga omukuluntu gwiigwana ya hangana Antonio Guterres a kondema oonkatu dha Israel mo Lebanon,tati otadhi tula moshiponga ompangela noonkambadhala okwaadha ombili tayi kalelele moshitopolwa,shiikwatelela komupopiliko gwe.

UUministeli wuuhaku wa Lebanon owa lopota kutya aantu 182 oya dhipagwa omanga 890 yeehamekwa kiiponokela ya Israel ohela,noshulandopangelo Beirut dha dhangwa unene.

Lebanon okwa nanenwa miita sho ongundu yukulo tayi yambidhidhwa ku   Tehran yoodheke Israel okuyamukula kiita ya America na Israel  mo Iran.

Omanga Iran  na America ya zimina oku egeka iilwitho iiwike iyali metiyali,Israel okwati Lebanon keshi oshitopolwa shompangela,nota tsikile niiponokela ye mo Lebanon.