Omupresident Netumbo Nandi Ndaitwah okwati oshilongo osha nkondopeka oshikondo shuunafalama okwaadhoka egameno lyoondya

Omupresident Netumbo Nandi Ndaitwah okwati epangelo olya yambulapo oonkambadhala dhoku nkondopeka oshikondo sha Namibia shuunafalama,tali tala koku shonopeka oku kala lya hupila kiikulya okuza pondje yoshilongo,noku yambulapo elongo lyoondya moshilongo,noku gamenenapo uuhaku wiimuna nomalandithilo goku tumina iilongomwa yomoshilongo.

Ta gandja epopitho lye lyopapangelo lyoshigwana ohela,omupresident okwati epangelo eti 8th otali lalakanene oku tetula okweeta iikulya moshilongo noo % 80 okuthika komumvo 2030,onga oshitopolwa shomulandu omunene okwaadha egameno lyopashigwana lyoondya.

Ta nongele epondolo moku longa iikulya moshilongo,unene epungu etokelo,ndyoka lyiindjipala okuza poo metric tona 33 okuya poo metric tona 69 541,noku siikila elongitho lyoondya lyoshilongo noo % 31.

Tati epangelo otali kondopeke wo opolohalama yo Green Scheme,ndjoka ya teya epungu lya pita poo metric tona 6 700,omanga iikwamuma yeetamo oodola oomilion moshiketha shepangelo pethimbo lya tumbulwa.

Ta holola ekuthombinga lyiiputudhilo,omupresident okwati oshikondo shoodholongo nomanzulonkalo otadhi dhana onkandangala ya simana moku longa oondya,lya longa iikulya niilongomwa yiimuna yongushu yoodola oomilion 22.6.