Iingangamithi yongushu yoodola oomilion 5.4 ya kwatwako koongamba dha Noordoewer metitano

Opolisi yoshilongo moshitopolwa Kharas oya patulula oshipotha shookuungaunga niingangamithi ,sho yiitsu noku kwatako iingangamithi yongushu yoodola oomilion 5.4 koongamba dha Noordoewer etitano.

Olopota yiimbuluma yomehulilo shiwike ya gandjwa kopolisi oyuulike kutya ohauto ontokele yo Mahindra yina onomola ya Windhoek oya thikamekwa koongamba dha Noordoewer,omanga yuuka mo Namibia okuziilila ko South Africa,

Okwa hokololwa osheenditho sha hadhwa,nomwa itsuwa iingangamithi ya holekwamo.

Omufekelwa omulumentu okwa fadhukapo sho a dhimbulula kutya aanambelewa yokoongamba oyiitsu iingangamithi,yo cannabis ,yili uupakate 104,yongushu yodoola oomilion 5.4,nohauto oya kwatwako.

O Nampa oya lopota kutya uuyelele okuza ko NATIS owati ohauto oyomukwashigwana gwa Tanzania ngoka ha kala mo Namibia.

Nokwa tindi uuyene wohauto sho a pulwa kopolisi.Omufekelwa onkee kwali ta kongwa,nomakonakono gopolisi otaga tsikile.