Oshikonga shokuwapaleka melelo loshilando sha Windhoek tashipula komesho

Olweefo olu 3 loshikonga shoku wapaleka sha mayor welelo loshilando sha Windhoek, ola hovela exuliloshivike eli moshikandjohoololo sha John Pandeni.

Oshikonga oshili tashi lalakanene oku kalekapo no kwaalula omutalelo woukoshoki woshilando sha Windhoek.

Shelikwatelela kolopota yapitifwa kelelo loshilando sha Windhoek,  oyati oshikonga oshali sha kwatelwa komesho  ku councillor  Matheus Shoongo, Toini Ambabi,  na Jesaya Ikali,  sha hovelela momatala omalandifilo a  Soweto,  opo ovakufimbinga vali vapewa oiyakulifo yoku wapalekifa no ku litopala meengudu oku wapaleka omudingonoko woshikandjohoololo.

Tapopi novakwashiwana Councillor Shoongo, okwa dimbulukifa ovakufimbinga mokuwapaleka vakaleke alushe oshilando monghalo youkoshoki tati kashifi ashike oshilalakanenwa shewiliko loshilando, ndee oshili oshinakuwanifwa shakeshe umwe oku kwashilipaleka kutya oshilando oshayela.

Oshikonga ota kulopotwa shakwatelwa komesho koshi yexuku, “Go Green, Skip the Plastic,” no vakufimbinga ovapewa eendjato dokutula oimbodi odo daetwapo payambidido loshimaliwa okudja kehangano lo makwatakanifo eengodi dopeke moshilongo  MTC.

Elelo loshilando pefimbo opo twoo opo tali ulike olupandu lalo kofitola yo NAMICA Supermarket, eshi yatalika taidana onghandangala meyambidodo loshikonga shoku wapaleka.

Olopota oya ulika kutya oshikonga shokuwapaleka melelo loshilando ota shipula komesho fiyo omohani November, moikandjohoololo aishe yelelo loshilando sha Windhoek.