US ashiivifa taka tulilapo etuliloshikepa la Iran eendjidikila

Oshikondo sheameno  loshilongo sha US osheshikoleka utya omatanga asho nena otaaka  hovela neendjidikila tadi tulilwapo etuliloshikepa la Iran,  opo kuhapitikwe ombautu taiyamo ilo taidimo momeva omukunghulofuta woshilongo osho.

Etokolo loku tulapo omainda ola shivifwa kompresident Donald Trump,  oo aulika enyemato laye no ku yandja oushima ku Iran, kutya okwa dopa oku dulika keenghundafana dombili odo vali mudo daningilwa mo Pakistan.

Oikundaneki oya lopota yoo kutya omupresident wa US okuli yoo taningile Iran, omatilifo oku  bomb  omandiki oidindifo yomeva a Iran oshoyo eenopa ngenge iran,  ita dulika komulandu oo ta u lalakanene akale axulifapo oporgrama yaye yelongifo loikwalute.

Oshikundaneki sho BBC, nena oshalopota kutya eenghundafana daponya oku hanga eudafano twokumwe pokati ka Iran na US oda etififa elikwato pomutima natango leyopombada londado yomahooli moilyolongo  younyuni.

Ovashiivinawa otava popi kutya ota shidulika eendoloma domahooli difike pee 2 million dikale dili moupyakadi woupitilo wondjila yefuta la Strait of Hormuz, eshi ondjila oyo ya didilikwa nale okaendanamadi koupitilo weembatu no kuniwe vali oumbada komapopyo a US, oo tafaneke vali oku tulilapo omainda omukunghulofuta wa IRAN nena.