Bernhardt Esau, tapula omangu ipule komesho noshibofa nonande pena omaupyakadi amwepo oo inamanifwa natango

Oo ali nale ominister yeeshi moshilongo Bernhardt Esau,  okwa pula omangu yopombada opo ipule komesho nepangulo lakala la kwata efimbo lo fishrot nonande pena natango omikundu dimwepo dopaveta odo dapumbwa oku potokononwa.
 
 Mekufombinga lomangu onghela oo eli omunaveta wa Esau, Florian Beukes, okwapula omangu opo ikale ya hovela nepwilikino loshibofa, tati ota shipumbwa okuningwa nonande pena oikumungu imwepo yopaveta oyo ya pumbwa epotokonono osho sha kwatelamo eindilo olo talipula opo omutokoli Marelize du Plessis, akale akufwamo moshibofa.
 

Melombwelo laye onghela Beukes okwati omuyakulwa waye Esau oo ena omido 68, okwa kwata unene efimbo no kwa ulika oumbada kutya ota shidulika oshibofa shaye shipule fiyo opomido dili 10 inashimanifwa.

Taulike nghene Esau naye ena oufemba woku yandja eulido laye laye .

Oshibofa sha Esau, opamwe no vatamanekwa vakwao  vo fishrot oshapula efimbo okudja nghene vamangelwepo mu November 2019, no takulopotwa neudo shali sha kalekwa manga mu January no ku undulilwa komesho ko  09 March 2026.
 
 Esau okwa tulilwe moipandeko opamwe nao ali nale ominister youyuuki Sakeus Shanghala, oo ali nale omunambelewa omukulunhu mehangano lo  Investec James Hatuikulipi, Pius Mwatelulo, Tamson Hatuikulipi, Nigel van Wyk, Ricardo Gustavo, omunambelewa omukulunhu kwali nale mehangano lo  Fishcor Mike Nghipunya, Phillipus Mwapopi oshoyo

Ovatamanekwa ova taalela omatamaneko oku tambula eembubo okudja kehangano leeshi lo Iceland lo Samherji,  veshininga nelalakano loku lipitika liyule eeshi momeva efuta a Namibia.