Omunambelewa kuluntu gondoolopa Katima Mulilo natango a kuthwa miilonga

Elelo lyondoolopa ya Katima Mulilo olya kutha miilonga omunambelewa kuluntu gwalyo Raphael Liswaniso konima yomasiku omashona ,sho ashike kwali a shunwa miilonga.

Ombaapila yoku kuthwa milonga ya monika ko Nampa yomasiku 13 April,oya shainwa kominista yeyambulepo lyokomikunda noondoolopa James Sankwasa.

Ombaapila tayiti minister okwa gandja epitikilo opo omunambelewa kuluntu a kuthwe miilonga ta futwa ngaashi shili moveta yomalelo goondoolopa,section 29 (6) (b) of the Local Authorities Act No. 23 of 1992, ya talululwa.

Kapena uuyelele wa gandjwa mombaapila ndjoka ya kolekwa wo ku Mayor gondoolopa Kabende Kabende ,ngoka wo a tindi oku tyakosha kekuthomiilonga lya Liswaniso.

Ekutho lye miilonga olyeya sho ombelewa yo labour Commissioner kwali yeekelehi ekuthomiilonga lye lya tetekele,metokolo ndyoka yiigidha kutya ekuthomiilonga lye uulethimbo itaa futwa kalyali pauyuki,noku pula a shunwe miilonga meendelelo ngaashi tashi vulika.

Oshikele oshazi mo 28 Kotoba 2025,sho Liswaniso kwali a kuthwa miilonga omolwa omafekelo gokwaahalonga nuuyuki newiliko pambambo.