Italy okwa kuthapo etsokumwe lyegameno na Israel

Italy okwa kuthapo etsokumwe lye lyegameno na Israel, ndyoka lya kwatelamo epingakanitho lyiiilongitho yopakwiita nomapekapeko guuthindoli,shiikwatelela ku Prime minister Giorgia Meloni,oshowo oonzo dhopauna diplomate ohela.

Tati oku tala konkalo yongaashingeyi,epangelo olya tokola oku kuthapo etsokumwe lyegameno na Israel.

Onzonkundana yo AFP oya lopota kutya lya ziminwa ku Israel mo 2006,etsokumwe ohali talululwa konima yoomvula ntano.

Nolya kwatelamo elongelokumwe miikondo yegameno,elongo nomadheulo gaakwiita,omapekapeko,neyambulepo lyuuyelele wopautekinika, mokati kiinima yimwepo.

Omahilathano pokati kiilongo yopaali ogiindjipala oshiwike sha piti ,sho epangelo lya Italy lya gandja ombedhi kakwiita ya Israel okuumba iiyenditho yaakalelipo yombili ya Italy yetumo lyiigwana ya hangana mo Lebanon.