Omupresident Netumbo Nandi Ndaitwah atalelapo Dinapama Manufacturing and Supplies

President Netumbo Nandi-Ndaitwah, onghela okwa talelapo ofactory yo ku etapo oidjalomwa moshilongo Dinapama Manufacturing and Supplies,shili eenghendabala doku tala nghene oshikondo sheyokomesho loshilongo tashi pula komesho.

Ofactory yo Dinapama oyo hayeetapo oidjalomwa ngaashi omidjalo doilonga moshilongo, okwa lopotwa ya hovelele ashike onga ongeshefa ishona yali ya hovela novanailonga veli 5 oshoyo omashina eli 8 okuhondja  mo 2008, ashike nena oyo imwe yomeengesefa dakula doidjalomwa ya yandja eemito dihapu doilonga dovanailonga vakonda po 536 omo vahapu veli ovanyanyamaulu mwakwatelwa yoo ovo vena omaulema.

Omu President pefimbo afika konele oko onghela, okwa hambelelwa no ku tambulwako komunambelewa omukulunhu wehangano lo Dinapama Manufacturing and Supplies Mr David Namalenga, oo ahokolola etalelepo lomuleli woshilongo lili etumba lakula no kwa popya kombinga yeenghundafana tadi pula komesho pokati kepangelo nehangano.

Moshipopiwa shaye kovanailonga omupresident Nandi- Ndaitwah, okwe vatwa omukumo vakale veudite ounwa woilonga yavo nonghene veli efimano lakula komayambulepo opashiwana.

Okwati eemito doilonga tadikalele odelikwatelela moku xumifa komesho eemito domayambulepo odo dilipo tadi wanifapo oinakuwanifwa yado no ku tuwa epepe kepangelo.

Okwa denga yoo omufindo nghene epangelo neengeshefa dapumbwa okulongela kumwe nelalakano lokweeta elunduluko oshoyo etungululo lomidingonoko dili nawa osho tashi dulu oku xumifa komesho eengesefa moshilongo.