Julius Malema, okwati magistrate Twanet Olivier, etokolo laye lokumupa ehandukilo olina enwefemo lo katongongotongo

 Omunapolitika wongudu yomilameno  mo South Africa , Julius Malema, onghela okwa pewa ehandukilo lodolongo lomido dili 5 molwasho alongifa oshifufuta noumbodo mokati koshiwana osho eshiningile pefimbo loshongalele shongudu mo 2018 .

Eelopota oda ulika kutya nande ongaho omuwiliki wongudu yo Economic Freedom Fighters (EFF) okwa pewa yoo omito yoku talula etokolo laye lehandukilo lodolongo notakutiwa ota kala manga amangululwa fiyo efimbo oshibofa shaye shetalululo tashi kapwilikinwa.

Nande ongaho omangu oyo tuu oyo oya kupulashi eindilo la Malema, olo atulilemo mu October, omo ali ahala oshibofa shikupulweshi taipopi kutya okuna  ondjo eshi ali a yelula oshilwifo mokati koshiwana, osho shili eyopomunghulo lomulandu woshilongo.

Omunaveta waye okwati Malema oshilwifo okwe shuumbile nelalakano loku ulika ehafo olo ali mulo efiku olo.

Onghela ovayambididi vongudu ya  Malema,  ovali vaongala pondje yomangu vadjala omidjalo dongudu tava ulike eyambidido komuwiliki wavo no ku imba omaimbilo.

Lwanima eshi Malema  adja momangu onghela, okwa kapopifa engungo lovayambididi vaye no kwayandja oushima ku magistrate Twanet Olivier, kutya okwa longifa omepo yo katongotongo.