O Bank Windhoek nena oya tamekitha o WhatsApp Banking

Oyili ombaanga yotango moshilongo okutamekitha omayakulo goku mbaanga ,oku pitila ko WhatsApp.

Ombaanga tayiti oya dhiladhila noku tokola oku ningitha omayakulo goku mbaanga oshitopolwa shoonkalamwenyo dhaayakulwa dhakehe esiku,yo yi tsakaneke aayakulwa yawo kehe mpoka yeli.

Omukuluntu wiliki go Bank Windhoek James Chapman okwati eyakulo lyokumbaanga oku pitila ko WhatsApp ,olya nanwa kuungomba nomadhilongo omape,,ta holola kutya ombaanga oyo wo yotango moshilongo okweetapo o Cellphone banking,nongaashingeyi oya tamekitha o WhatasApp Banking,noshili epondolo enene kombaanga.

Eyakulo ndika otali lalakanene oku nanena aa Namibia oyendji meliko tali kwatelamo.

Omanga shinasha negameno,Chapman a shilipaleke aayakulwa kutya WhatsApp banking otayi kala ya gamenwa,nomulongithi ta longitha PIN ye yomeholameno.

Ta gwedhako kutya ombaanga oyili komeho ,notayi tsikile oku kwatela komeho omayakulo giikalekelwa.

Ta popi peha lyominista yuuyelele nomakwatathano gopaungomba,omunambelewa kuluntu guuministeli  Linda Aipinge Nakale ,ngoka a tumbaleke ombaanga okweeta omayakulo gopaungomba moku mbaanga,moka aayakulwa taya longitha omudhingoloko ngoka yiigiilila nale,ano o WhatsApp.

Tati omayakulo go WhatsApp Banking otaga endele pamwe niilalakanenwa yopashigwana,ta holola kutya oo %79  dhaantu oyena oongodhi dhopeke moshilongo.

Tati etamekitho lyo WhatsApp Banking ,olyuulike ondjila moka onakuyiwa yuuka,shoka shili omadhilongo omape,neliko tali kwatelemo.

Ombaanga oya fatulula kutya omayakulo WhatsApp Banking otaga kala gena egameno,nomuyakulwa ta tameke noku pungula onomola yombaanga yo 0811 402950 monhodhi ye,ta shanga oshitya Hi,noku tameka nolweendo lwe ,oku ninga omapingakanitho, oku pitila ko WhatsApp.