Namibia okwiindiile uukumwe wuna oonkondo na Malaysia

Ominista yiipambele yopashigwana niipindi Selma Ashipala Musavyi okwiindiile uukumwe wopaliko wuna oonkondo nomapungulo pokati ka Namibia na Malaysia ,pethimbo  lyomutumba go Namibia-Malaysia Business Forum gwa ningilwa mo Kuala Lumpur ohela.

Ta popitha aanambelewa yepangelo ,aaleli yoongeshefa ,naapunguli,Ashipala Musavyi okwa holola kutya uukumwe wuulethimbo pokati kiilongo yopaali owa za kondjokonona tayi topolwa nelongelokumwe okuza pemanguluko lya Namibia.

Ashipala Musavyi ta dhenge omuthindo ohokwe ya Namibia oku lunduluka okuza keliko lyoonzo okuya keliko lyoku gwedha ongushu koonzo,noku hiya omahangano ga Malaysia ga kuthe ombinga miikondo ngaashi iikwankondo yopaunshitwe,iikondo yoku nduluka,noku gwedha ongushu koonzo.

Minister ta holola wo onkatu ya Namibia onga uupitilo wuumbangalantu wa Africa,noku gandja ompito yokuya momalandithilo gaantu ya konda poobilion 380,taga yambidhidhwa kengungumano lyopaliko,omilandu tadhi gandja uuwanawa kaapunguli,noku tanununamo omakwatathano,mwa kwatelwa etuliloskepa lya Ombaye.

Tati Africa keshi we enenevi lyangula,ashike enenevi lyanena,noku indila aapunguli ya Malaysia ya yangate oompito kuyele meliko lya Namibia ndyoka tali holoka.

Omutumba okwali gwa gandja ompito kiilongo ayihe yi nkondopeke iipindi,omapungulo ,nelongelokumwe lyopautekinika.

efano(Minitry of International Relation and Trade via facebook)