Osheendo tashuunganeke Omaludi sha talelepo omupresident kegumbo lyepangelo ohela

Omupresident Netumbo Nandi Ndaitwah ohela okwa yakula osheendo okuza mokomitiye tayi unganeke Omaludi ,kegumbo lyepangelo,oku ikunda Omaludi Agricultural Festival noopololeka dhoka dhili metifa ko Okongo village.

Omaludi otaga ningilwa komukunda Okongo moshitopolwa Ohangwena pokati ko 25-30 May,kohi yehuku:Uunamapya nomapashiyono gekoko lyeliko tali kalapo.

Omupresident onga kuume koshiindingili okwa tegelelwa a ka gandje oshipopiwa kuulalelo woku gongela oshimaliwa,tawu ningwa mo 25 April kOkongo.

Konima yoshigongi nomupresident,omunashipundi go Okongo Village Council Tuhafeni Shapopi okwa fatulula kutya oshiindingili inashi vula oku ningwa omumvo gwa piti molwa omashongo pehala lyoku nambela oondhila ,mpoka opo hapuunganekelwa oshiithanene.

Ta holola kutya oshiithanene oshina oku vula okunene oku yambulapo eliko lyomoshitopolwa,noku tula Okongo mokaalita.

Efano(ombelewa yomupresident ko (facebook)