O Bank of Namibia ya tseyitha omalunduluko omanene mewiliko lyayo

O Bank of Namibia oya tseyitha omayelo gewiliko lyopombanda ga yooloka ,oshowo elunduluko lyewiliko,taga lalakanene oku nkondopeka okuvula koshiputudhilo, noku yambulapo okuvula kombaanga oku igilila noku yamukula komashongo.

Omushangwa gwiikundaneki gwetitatu ogwati omalunduluko oga landula einyengo lyongaashingeyi lyopawiliko ,mwa kwatelwa euliko lyomupevi ngoloneya Nicholas Mukasa ,nelundulukilo lya Florette Nakusela ko  Macro-Economic and Financial Management Institute of Eastern and Southern Africa (MEFMI).

Mokati komauliko omanene,o Moudi Hangula ,uulikwa onga o Director: Legal, Governance, Risk and Compliance, omanga  Anthea Angermund a kuthapo oshinakugwanitha sho of Director of Financial Markets.

Helvi Fillipus okuulikwa onga omugandji mayele mombelewa ya ngoloneya go BON,na Petrus  Shifotoka okuulikwa onga o Head of the Namibia Deposit Guarantee Authority.

Ancois Plaatje okwa lundululilwa koshinakugwanithwa sho: Director: Financial Stability and Macroprudential Oversight, omanga Magreth Tjongarero a tulwa ponkatu yuu  Director: Banking Supervision.

O BON tayiti omauliko ogeetelela owino yopautekinika notseyo moshiputudhilo okuyambidhidha oshinakugwanithwa shayo.

Efano(BON)