Epangelo oliikalekela oomilion dha konda 130 okutunga omagumbo gaamboka yena iiyemo yili pevi

Epangelo olyiikalekela oodola oomilion 131 okutunga omagumbo 3 106 gaa Namibia mboka yena iiyemo yili pevi.

Shiikwatelela ko The Brief ,opololeka tayi yambidhidhwa kuuministeli weyambulepo lyokomikunda noondoolopa,otayi tulwa miilonga ko Shack Dwellers Federation of Namibia ,onga oshitopolwa shoonkambadhala dhoku kondjitha endumbalalo lyompumbwe yomagumbo ,noku nawapaleka oonkalo dhoku kala.

Omugandji mayele kominista ,Boniface Mutumba okwa koleke opololeka.

Tati o Shack Dwellers otayi tungu omagumbo 3 106 ga yambidhidhwa kuuministeli weyambulepo lyokomikunda noondolopa ,kongushu yoodola oomilion 137.

Eidhopemo olyeya sho uuministeli wa pewa o budget yoodola obilion 1 .95 ,ndjoka ya shuna pevi okuyeleka no budget yomumvo gwa tetekele,ndjoka yali poobilion 2.67,nokushi dhigupaleka oku kondjitha ompumbwe yomagumbo.

Okuza mo budget ndjoka,oodola oomilion 587.9 odhiikalekelwa oopololeka dhomagumbo neyambulepo lyondoolopa.