O Enviromental Fund of Namibia opamwe nelelo lyoshitopolwa Oshikoto oyiimanga kumwe oku kondjitha ompumbwe yomeya moshitopolwa

Elelo lyoshitopolwa Oshikoto palongelokumwe noshiketha sho Enviromental Investiment Fund ohela oya shaina euvathanotsokumwe tali lalakanene oku nawapaleka ompito yoku mona omeya ga yela kaakalimo ya gumwa kompumbwe yomeya ndjoka yili metifa.

Etsokumwe lya shainwa komunambelewa kuluntu go EIF Benedict Libanda na ngoloneya gwa Oshikoto Sacky Kathindi olyeetapo ompangela yelongelokumwe pokati koongundu dhopaali.

Libanda tati onga oshitopolwa shoshiluku shotango,oodola oomilion taku tengenekwa dhili 6.4 odha gandjwa oku fula,okuyapo noku tulamo oobola komahala ngoka geli oshilalakanenwa.

Oshimaliwa otashi ka yambidhidha wo oku tulamo omakwatathano goku pomba omeya,omakwatathano goku pungula omeya nogoku topola omeya,oshowo omanongonono gopautekinika,nku nongonona oopololeka dhoka dhili metifa oku shilipaleka uundikuwetikile.

Libanda tati oshiketha otashi ka kwathela wo oku shilipaleka kutya omeya ogena egameno oku nuwa ,noku shilipaleka kutya oopomba otadhi longo.

Kathindi ta nongele kutya oshiitopolwa osha pumbwa oodola oomilion 22 oku shilipaleka kutya kehe omukalimo okuna ompito yomeya meni lyoshinano shoo 5km dhomagumbo gawo.

tati okuza nkene uulikwa mo 2025,oku yamukula ompumbwe yomeya osha kala oshilalakanenwa she oshinene.

Efano(Oshikoto Regional Governor)