Malema niilyo yopaalamende yili 5 okuza mongundu ye ya kuthwa mopaalamende omwedhi 1

Omuleli gongundu yompilameno ,Julius Malema,oshowo iilyo yilwe yopaalamende itano yongundu yo EFF ohela oya pewa egeelo lyoku kuthwa mopaalamende uule womwedhi 1 itaaya futwa.

Okomitiye yo  parliament’s powers and privileges oyeya mono ondjo okudhina opaalamende,oku kwatako nenge okuya ko stage pethimbo omupresitend Cyril Ramaposa kwali ta gandja epopitho lye lyo SONA mu Feb.

Omupopi goppaalamende ta hulithapo oonkundathana sho aakwiita yegameno ya kuthamo Malema niilyo yilwe mosaala.

Okomitiye tayi gwedha wo kutya kehe oshilyo nashi gandje ombili pauntu kopaalamende, komupresitend,komupopi ,nokaa S.A sho ya piyaganeke epopitho lyomupresitend nokutula oshilongo mefano ewinayi.

Iilyo yopaalamende ihamano otayi ka kuthwa megumbo uule womwedhi Feb aguhe omumvo taguya,noku indikwa wo yaahaye mepopitho lyomupresitend mu Feb ngoka.

Omandaaha Malema niilyo yilwe  oya tindi okuholoka mepulakeno lyawo sho okomitiye ya tindi eindilo lyawo oku undulila komeho epulakeno lyawo.

Malema,shiikwatelela ko BBC okwa tindi wo euliko lya Advocate Anton Katz ngoka ta kwatele komeho epulakeno lyawo,tati ita hepekwa komutiligane.