Aanapaalamende oya holola eikwatopomutima sho pwaahena oopolohalama tadhi longo dhoku nkondopeka aagundjuka

Iilyo yopaalamende omandaaha oya holola eikwatopomutima omolwa okwaahalonga,egandjo lyoonzo lyaaha thike pamwe, noshilanduli sha ngambekwa shoopolohalama dhoku nkondopeka aagundjuka,pethimbo lyoompata dho Vote 27.

O Nampa oya lopota kutya omanga aatotiveta ya holola eyambidhidho lyo budget ya pewa oshikondo shaagundjuka,uudhano ,omayakulo gopashigwana  kohi yuuministeli welongo,oyendji oya gunu kutya omaidhopemo gongaashingeyi itaga lundululile muuwanawa waagundjuka.

Omutotiveta go PDM Winnie Moongo okwa pula okwaahalonga koopolohalama yambulepo dhowino,tiindiile ethikitho pamwe naashoka tashi pulwa koshikondo shiilonga.

Uuministeli owa pewa oodola oomilion 35 dho budget yiilonga,yoopolohalama yambulepo lyaagundjuka,mwa kwatelwa omadheulo gowino.

Tati otashi yemateke ,sho taya dheula aagundjuka , yo taya kala yaahena iilonga,noku thaneka omulandu goku nongonona iizemo.