Namibia na Angola ya shaina etsokumwe lyolusheno

Ehanganao lyo Nampower  nolya Angola lyo RNP -EP oya shaina omatsokumwe mo Luanda okuyapo  no Angola-Namibia Power Interconnection Project-ANNA,mwa kwatelwa etsokumwe lyo Joint Development agreement nolyo Power Purchase Agreement.

Opololeka,shiikwatelela komushangwa gwiikundaneki go Nampower oya kwatelamo okutunga oline yo transmission yuule woo Km 166 ,yoo KV400 pokati ka Kunene mo Namibia na Cahama mo Angola,kongushu yoodola oomilion 941,niilonga kwa tegelelwa yi kale ya pwa okuthika komumvo 2029.

Omukuluntu wiliki go Nampower Kahenge Haulofu okwati omatsokumwe oga kalelapo eitulemo tali topolwa  kelongelokumwe negameno lyolusheno moshitopolwa.

Tati opololeka yo ANNA oyeetapo ompito oku longitha oonzo dhawo dhikwankondo,noku yambidhidha oompumbwe dhoka tadhi holoka dho Southern African Power Pool.