Moses Matyayi okwa holola eikwatopomutima omolwa eidhopemo lyopapolitika taliindjipala momalelo goondoolopa

Omupresident go Namibia Association of Local Authority Officials Moses Matyayi okwa holola eikwatopomutima eidhopemo lyopapolitika taliindjipala momalelo goondoolopa,ta londodha kutya otali etitha okwaahena engungumano lyomapangelo goo Muni ,noku nkundipaleka egandjo lyomayakulo.

Ta popi momutumba gokomumvo omuti 22nd go Annual Conference and Annual General Meeting of the Namibian Association of Local Authority Officials (NALAO) kOshakati ohela,Matyayi okwati aanambelewa oya taalela ethindakano olindji ,okupitila mwaashoka a ti omakuthomiiilonga pwaahena etompelo lya yela,oku tidhwa miilonga,oshowo enwetheno lyopondje momalelo goondoolopa ga yooloka.

Lopokati mpoka,Omunambelewa kuluntu gwa Katima Mulilo ngoka a taalela ekuthomiilonga konima yekuthomiilonga ,Raphael Liwaniso, okwati ekuthomiilonga lye lyongaashingeyi olili onkambadhala yoku yonagula esimaneko lyiilonga ye, sho a sindana oshipotha shopaveta opo a shunwe miilonga.

O Nampa oya lopota kutya ospan ye yopaveta oyati ekuthomiilonga olya ningwa inaali ziminwa kelelo lyondoolopa,noku dhina oveta.

Ashike Mayor gondoolopa Kabende Kabende okweekelehi omipopyo dhoku odheka Liswaniso ,tati elelo lyondoolopa olya landula iikumungu yomondjila momakonakono ngoka geli metifa.

Ta fatulula kutya Liswaniso ina tidhwa,netokolo lyahugunina otali ka tulwa miilonga.