Namibia na Bostwana oyeendulula eitulemo lyawo ko TransKalahari Railway line

Namibia na Bostwana oyeendulula eitulemo lyawo ko Trans Kalahari Railway line,opololeka onene yomakwatathano gopashitopolwa, tayi lalakanene oku patulula iipindi nekoko lyopaliko muumbangalantu wa Africa.

Ta popi moshigongi shopamuhanga sha ningilwa ko Swakopmund,ominista ya Namibia yiilonga niiyenditho Veikko Nekundi okwa hokolola ondjila yeshina lyokolutenda onga osheetwapo shoka tashi ka kwatakanitha eliko lya Bostwana lyuuyamba woonzo komalandithilo gopauyuni ,okupitila ketuliloskepa lya Ombaye.

Opololeka ya thanekwa otayi kala yuule woshinano shoo KM 1500, ya kwatakanitha Ombaye oku pitila mo Bostwana okuya mo South Africa.

Nekundi tati ondjila yeshina lyokolutenda kayishi ashike opololeka yomakwatathano,ashike oyili ondjila yehumokomeho, kwa tegelelwa yi yambulepo iipindi,yeetithe ehumokomeho,noku etapo oompito dhiilonga.

Oshigongi okwali sha nongonona epondolo lya ninggwwa okuza moonkundathana dhahugunina mo December 2025.

Ominista yiiyenditho ya Bostwana Noah Salakate okwa dhenge omuthindo esimano lyondjila yeshina lyokulutenda moshitopolwa, kelongelokumwe lyopashitopolwa,oshowo okuyambulapo eliko pokati kiilongo yopaali.

O TransKalahari Railway okwa tegelelwa yika longe onga oshinani shekoko lyuulethimbo,oku nkondopeka elongelokumwe pokati kiilongo yopaali,noku nawapaleka ompito yokuya momalandithilo gopashigwana koshitopolwa shuumbangalantu wa Africa.

Efano(Ministry of Transport and Infrastructure – Botswana)