Omukalelipo shilongo gwa Portugal a talelepo ngoloneya go Bank of Namibia

Ngoloneya go Bank of Namibia Uanguta Ebson okwa tsakanene na Rui Carmo,omukalelipo shilongo gwa  Portugal moshilongo ohela.

Yaali oyiikundu omudhingoloko gopaliko muuyuni ngoka tagu lunduluka,niilanduli yago ku Namibia noku Portugal.

Ngoloneya Uanguta ta holola kutya oshikele shongaashingeyi shopaliko otashi vulu okutula ethindakano koondando dhiikulya,noshilanduli tashi vulika shi dhidhilikwe kaanamagumbo..

Peha lye,Ambassodor Carmo okwa nongele omayambulepo gongaashingeyi mo Middle east ,nongele otaga tsikile ,nena otaga kala niilanduli iinene yopaliko ,iidhigu oku tengeneka.

Carmo ta holola wo oonkambadhala tadhi lalakanene oku nkondopeka uukumwe,mwa kwatelwa ohokwe tayikoko yaapunguli ya Portugal moshikondo sha Namibia shomuku  nomahooli.Oombinga adhihe odha zimine kutya oku nkondopeka elongelokumwe lyopaliko okuna ompito yina ongushu, oku nkondopeka uukumwe, noku yambidhidha ekoko tali topolwa.

efano(Bank of Namibia)