Ominista yiilonga niiyenditho Veikko Nekundi okwa pe o FlyNamibia oomwedhi hamano yi kale ya shunitha pevi oondando dhuu ticket molweendo lwayo lwa Ondangwa.

O Windhoek Observer ohela oya lopota kutya Nekundi okwati okuna omaipulo sho olweendo okuya kOndangwa halu kotha oodola dha thika 9 000,omanga olweendo okuya ko Cape Town halu kotha etata lyondando ndjoka.

Ta londodha kutya ngele oondando inadhi shunwa pevi,nena epangelo otali kayamo oolunyala,noku enditha nenge oku kondolola oondando dhuu ticket wehangano.

Nekundi ngoka kwali ta popi momutumba go Aviation Week Africa ngoka guli metifa,ohela mo Windhoek, okwati okwa pyakudhukwa oku lundulula ooveta noku etapo ekondololo lyoondando,ngaashi dhoka hadhi longithwa moshikondo shoo taxi.

Omanga o FlyNamibia ya yamukula kutya ondando yuu ticket ohayiikolelele  unene komwaalu gwaantu taya longitha omayakulo.

Momushangwa gwiikundaneki nena,ehangano olyati omwaalu gwaafalelwa tagu indjipala otagu vulu oku kwathele oku shunitha pevi oondando dhuuticket,nokwiindiila epangelo li yambidhidhe oku yambulapo omwaalu gwaafalelwa taya longitha omayakulo gawo.

Ehangano tali nongele kutya oo % 67 dhoondando dhawo itaya vulu okudhi kondolola ,omanga omahooli nago genamo ombinga.

Eandjaganeko lya ngambekwa lyomahooli kokapale koodhila ka Eros na Ondangwa olyeetitha oondando dhiye pombanda,lya nwethwano kiiningwanima mbyoka tayiinyenge muuyuni.

Ehangano taliti oliitulamo oku gandja omayakulo taga vulika,noku tsikile okuyambidhidha iilonga nekoko lyeliko moshilongo.