Utoni tiindile uukumwe momalelo gopamuthigululwakalo

Ominista yeyambulepo lyokomikunda noondoolopa Erastus Utoni okwati okwa piyaganekwa komahilathano momalelo gopamuthigululwakalo gamwepo ngoka taga indjipala.

Minista okwali ta popi pethimbo lyeegululo pambelewa lyombelewa yelelo lyo Gaio Daman Traditional Authority no Enerst Taguri Gurirab Community Hall ko Anker moshitopolwa Kunene mehulilo shiwike.

Ta dhimbulukitha omalelo gopamuthigululwakalo kutya omahilathano inaaga potokononwa pethimbo ohaga etitha omaipumo mumwe ngoka gena ondilo,taga piyaganeke egandjo lyomayakulo koshigwana noku piyaganeka wo ombili nengungumano moshigwana.

Tiindiile opo omahilathano ga yandwe noku potokononwa uuna ga holoka, nokwiindiile elelo lyopamuthigulukalo gwaa Gaio Daman  li kale aluhe lili muukumwe ,noku longela kumwe muuwanawa woshigwana shalyo.