Ompangela yoku hulithapo iita pakathimbo mo Gaza ya lelepekwa nomasiku gaali

Ompangela yoku hulithapo iikolokosha pakathimbo pokati ka Israel no Hamas oya lelepekwa nomasiku gaali,shiikwatelela komweendithi Qatar,oowili oonshona omanga ompangela kwali yina okuya pehulilo nena.

Uuministeli wiikwapondje wa Qatar owati oombinga dhopaali odhaadha etsokumwe okulelepeka ompangela mo Gaza nomasiku gaali ga gwedhwapo  kohi yiipumbiwa ya faathana.

Ongundu yo Hamas nayo oya koleke elelepeko,nonando Israel inatya kosha natango,shiikwatelela konzonkundana yo AFP.

Elelepeko olya landula sho oonkwatwa 11 dha mangululwa mo Gaza,omanga aanadholongo ya Palestine yeli 33 nayo ya mangululwa.

Elelepeko lyompangela olya taambiwako paigwana,nomukuluntu gwiigwana ya hangana Antonio Gutteres teliithana onga omukumo nuuyelele momilema dhiita.

Ompangela oya hulithapo pakathimbo omalugodhi ngoka ga tukuka sho aakwiita yo Hamas ya ponokele Israel mu 7 October,noku dhipaga aantu 1 200,unene aakwashigwana,noku kwatapo ombabyona omayovi,shiikwatelela koonzo dha Israel.