Oka drone kaumbwa papuko ketanga lopakwaita la Nigeria katwaalelifa eemwenyo dova kwashiwana.

Ovakwashiwana okwa lopotwa vadipawa mo nooli yoshitopolwa shedina Kaduna mo  Nigeria shalandula eshi oka drone ketanga lopakwaita oko kali kanuninwa oilyo yengudu dovatwondubo nepangelo kawila mokati koshiwana oshondaxa.

Oshikundaneki sho SABC osha lopota kutya, Etanga leameno lopakwaita olo tali tuwa epepe koiwana yahangana oshoyo kepangelo laBritain noilyo longo ikwao,  okwa lopotwa ili mekondjifo leengudu doukulo monooli ushilo woshilongo.

Oo eli ngoloneya woshitopolwa sha Kaduna  Uba Sani  okwati,  oshiningwanima osha kuma ongudu yovakwashiwana veitavelo loshi Muslim vahangwa veli oshitopolwa shetyapulo loshiindingili sheitavelo lavo sho Maulud osho shali shaunganekelwa momukunda Tudun Biri.

Ngoloneya okwati ovakwashiwana ovadipawa papuko nokufiya vamwe vaehamekwa tati oshiponokela okwali shanuninwa eengudu dovatwondubo nepangelo.

Nande ongaho omunambelewa ina yandja omuvalu wofaafa waavo vadipawa,  ashike omukwateli komesho weitavalo lopamepo  okwa lombwela oshikundaneki  kutya ovo vaxulifa oveli 50,  omanga ookatale konawa vamwe tavati oveli 80.

Oo eli omupopiliko wetanga leameno moshilongo osho  Brigadier General Onyeama Nwachukwu,  ina tyakosha koshiningwanima eshi apulwa koikundaneki.